Gedicht eines Schülers
Wie mängisch flemmereds öbere Bildschirm? Ech ha di gärn.
I wie mängem Buech esch es drockt? Ech ha di gärn.
Doch wie schwär esch es för mech doch? Ech ha di gärn.
Ech ha der das scho mängisch wölle säge: Ech ha di gärn.
Wie mängisch han ech mech ufgregt dröber: Ech ha di gärn.
Wie mänge het s scho för si Profit gnötzt: Ech ha di gärn.
Doch ech wet ders etz ou säge: Ech ha di gärn.
Wie mängisch han ech Wetz dröber gmacht? Ech ha di gärn.
Wie mängisch han echs onderdröckt: Ech ha di gärn.
Wie mängisch esch es onderdröckt worde? Ech ha di gärn.
Wie mängisch ben ech z jong gse? Ech ha di gärn.
Doch ech muess ders etz doch säge: Ech ha di gärn. doch ech brenges ned öber d Leppe.
Ech ha di gärn. Es esch ned „rechtig“: Ech ha di gärn.
Jede Obe säg is zo dim Bild: Ech ha di gärn.
Du – du besch nämlech e Ma!
Hanspeter, 16, Schüler, Niederrickenbach, in der Zeitschrift team, 1984